史上最平價豐田電動車 Toyota bZ3X

最近在中國市場鋒頭最勁，銷情核爆級嘅，一定係Labubu。不過眼前嘅全新豐田bZ3X純電SUV，差一點搶咗Labubu嘅鋒芒。

事緣豐田於今年三月初，在中國市場推出售價由11萬元人民幣起嘅bZ3X純電動SUV，呢口價亦令bZ3X成為豐田史上最平嘅EV。連內地車媒達人袁啟聰都搶先成為車主，佢更專登由廣州揸落香港，搵我們在香港路面試下呢架豐田史上最平嘅電動車，再用香港車主角度去分析，呢款售價由人民幣11萬元起至16萬嘅bz3X，如果有機會來港發售，會唔會都可以在香港搶到少少Labubu鋒芒呢。

試完車，覺得豐田好有市場智慧，既然自己開發電動成本高而無法同內地電動車打價格戰，就一於「以敵之長，攻敵之短」，以扭轉豐田在全球最大汽車市場嘅劣勢。

透過同廣汽集團（GAC）嘅合資企業GAC-Toyota，以廣汽Aion V電動SUV嘅Architecture Electric Platform（AEC純電底盤），推出豐田設計外形嘅bZ3X，採用內地電動車先進技術，透過廣汽供應商採購零部件與電池，仲有內地勞動生產成本優勢，再冠上豐田嘅細緻包裝，不但降低成本，頂級型號更擁有內地車主最鍾意嘅智能駕駛及智能車載系統，搭載LiDAR雷射雷達，又有Momenta合作開發嘅ADAS先進駕駛輔助系統，具備NOA導航自動駕駛系統，在導航上設定目的地後能進行自動駕駛操作功能，仲可以對應變換行車線、超車、二線合一線等情況；上市一小時就破萬張訂單，問你服未！

bZ3X 的 SUV 外形，同時又融入了豐田最新 EV 設計語言。對於 bZ3X，豐田似乎決心證明精心校準的駕駛輔助系統。借鑒了 GAC Aion V 的設計，但頭燈更加銳利、棱角分明，車頭造型也更加簡化。較高的車身高度及簡潔的側面線條，設計簡約實用，符合豐田一貫嘅form follows function設計理念。

其中一個賣點係不使用稀土嘅磷酸鐵鋰（LFP）電池，

車廂配備8.8吋駕駛儀表螢幕，中控台配14.6 吋多功能觸控螢幕，前座椅電動調校，值得一讚是後座空間十分寬敞，而且靠背可手動調節角度，最斜可調節成躺椅，仲有全景玻璃車頂。冷氣系統設有PM2.5濾芯，前排係雙區獨立調校溫度，不過後座就只有出風口設計。

至於已成為內地電動車必備嘅語音識別控制，不但可以連續對話，仲可以一句話有兩種意思，能夠語音控制車窗、冷氣、導航、音樂、藍牙電話等一系列功能。

另外值得一提係自動泊車功能，系統能瞬間掃瞄附近所有停車位，並即時找出可供泊車位置，一切盡在觸控螢幕顯示，駕駛人只須選定要泊嘅車位，系統就會自動完成泊車任務，十分方便又快捷。

2025 Toyota bZ3X 610 Max 規格表
摩打形式：恆磁同步摩打
電池容量：67.92kWh磷酸鐵鋰電池
最大馬力：221hp (165kW)
峰值扭力：210Nm
續航距離：610km (CLTC) 470km (WLTP)
傳動形式：前輪驅動
傳動系統：單速直接驅動
0-50km/h：4秒
極速：160km/h
懸掛系統：(前)麥花臣/ (後)扭力桿
制動系統：(前/後)碟式
輪圈：19吋合金
輪胎：(前/後) 225/45 R19 
長x闊x高：4,600 x 1,850 x 1,645mm
軸距：2,765mm
車重：1,835kg
售價：RMB159,800