雖然定位係經濟車仔，卻少有地配備多連桿後懸掛，所以駕乘舒適性出奇地令人相當滿意，前排座椅都係電動調校，而且仲有通風設計；另外亦可以藍芽連接手機，無線充電，Apple CarPlay，360度鏡頭。

制動相當靈敏及線性，電機的regen動力回收亦好接近電油車的收油反應，非常線性，對初次接觸電動車的駕駛人來說，應該很易適應。

主攻經濟型電動車市場的Dolphin，售價由港幣$191,130起，是廠方力圖拓展電動車市場的撒手鐧。

同ATTO 3一樣以BYD純電 e 3.0 平台發展而成的Dolphin，今次試的是Extended Range，配60.48kWh鋰電，輸出204ps馬力，最大扭力310Nm，0-100km/h加速需時7秒，續航力490km(NEDC)；一換一售價港幣$236,000。

新車叫Dolphin，唔好以為會好似海豚咁流線形，外形其實同一般電油家庭揭背車仔差不多，不過車仔細細，車廂空間相當寬敞，後座腳位仲十分充裕，椅背斜度亦令人坐得舒服。

性能方面，0-100km/h加速7秒，算係跑得下，至於超過400公里續航力，以經濟型電動車嚟講就暫時唔多選擇。

Dolphin在廉價車仔中，少有地配備多連桿後懸掛，所以駕乘舒適性出奇地令人相當滿意，尤其係過濾顛簸路面的震盪，比一般車仔好得多，而且路噪抑制得很好，行車亦十分寧靜舒適。

輸出204ps馬力的電動摩打，加速力很強，如果急速深踏「油門」，甚至會出現大馬力前驅車常見的torque steering，車身在轉彎時也有輕微的外傾，軚感比較輕，路面感一般，不過在山路上轉彎抹角，表現算是十分靈活而穩定。

新車的制動相當靈敏及線性，操作非常輕鬆容易；電機的regen動力回收有兩級強度設定，就算設定為最強，亦好接近電油車的收油反應，非常線性，對初次接觸電動車的駕駛人來說，應該很易適應。

雖然定位係經濟車仔，不過前排座椅都係電動調校，而且仲有通風設計；另外亦可以藍芽連接手機，無線充電，Apple CarPlay，360度鏡頭，前後排都有USB type A+ type C插座。

除此之外，標準已配備多功能軚盤，5吋數碼儀表及12.8吋觸控螢幕連多媒體系統，而且已內置語音助理，恆溫冷氣連PM2.5空氣過濾，及一系列主動輔助駕駛系統等。

BYD Dolphin Extended Range 規格表
摩打形式：永磁同步
電池：60.48kWh磷酸鐵鋰電池
最大馬力：204ps
峰值扭力：310Nm
續航距離：490km (NEDC)
傳動形式：前置摩打/前輪驅動
傳動系統：單速直接驅動
0-100km/h：7秒
極速：160km/h
懸掛系統：(前)麥花臣/ (後)多連桿
制動系統：(前)通風碟/ (後)碟
輪圈：17吋合金
輪胎：205/50 R17
長x闊x高：4,290 x 1,770 x 1,570mm
軸距：2,700mm
車重：1,480kg
售價：$236,000