今次去台中租車自駕遊，逗留五日四夜，朋友介紹入住一家新開張的酒店名叫「享得道」，附設地庫停車場，泊好車就直接搭電梯上房，非常方便，完全不用擔心泊露天車位會好天曬，雨天淋濕身了。

入住的第二天，剛好是酒店的正式開幕禮，場面好熱鬧，也正好了解一下這家休閒酒店的特色。首先是三樓露台，居然可以成為野外營地風格的露臺酒吧！晚上可以在酒店探索星空，相當過癮。

其次係酒店在其中六、八、十樓樓層提供的水機，酒店強調以納米科技提供高含氫量的健康飲用水，小弟都係第一次接觸有氫氣的水機。相信大家都應該聽聞過，具有氫氣的水，可抑制自由基，可抗氧化及抗炎，有助減少細胞損傷，保持身體健康，而酒店亦特別提到，2020年東京奧運都係提供氫水來照顧選手健康。

唔知道係咪心理作用，住宿期間天天都飲用氫水，感覺人都精神咗??。

酒店宣稱以有趣好玩為宗旨，除了有簡單的健身房，亦設有不同用途的「共感空間」，包括一個應該係供團體開會或個人小休的共享空間；甚至有又有 foot spa 足浴，啱晒行到攰舒緩雙腳的疲憊；至於 Stone Spa 岩盤浴係付費設施，採預約制，最後預約時間為19:00，費用為一人NT$250/小時。另外仲有台灣人好鍾意的 KTV 包廂，價錢當然都係另計啦。

入住酒店係包埋早餐及宵夜的，至於下午茶時段，據稱係台中唯一 麵包放題，時間由14:30-17:30，不過對爭取去多幾個景點的香港遊客而言，應該無福消受了；反而我試過的是宵夜時段，時間由21:00-23:00，行完夜市可以祭下五臟廟，係唔錯的安排。

酒店提供四款房間，最大係套房，又有親子客房，詳情可參考酒店網頁：In Joy Hotel