Weekend至來落大雨，陰晴不定的天氣係咪打亂左你既週末計劃呢？
介紹返個室內有得玩有得食地方畀大家，新鮮滾熱辣剛剛開幕既咋～
有大人小朋友都可以落場既kart仔場、有對戰版本賽車遊戲機、有射擊遊戲、
仲有間全新開幕的JOYSTICK餐廳。 食D咩？ 薯條？ 炸雞？
No no~ 何不食得健康？
正如店主所講：邊個話要食得健康一定係淡茂茂唔啖好食？
注重健康又趕時間都可以有滋味好食的選擇！

呢度既食物好睇又好食，睇得出係好用心整：無論係慢煮牛肉或是油封雞髀，
包括佢地既錦鹵雲吞都有驚喜，一啖咬落去內餡竟然有脆卜卜新鮮三文魚籽！
美國經典漢堡係以純牛肉厚漢堡加上自製醬汁再配上芝士番茄&羅馬生菜，非常滿足。

另外，由PowerPlay Arena x JOYSTICK聯乘推出的六款奶昔可能會比較吸引愛車人的注意 - 佢地全部係以賽車主題來命名：黃金戰衣（菠蘿奶昔）、森林賽道（奇異果奶昔）、惡魔之Z（朱古力奶昔）、秋名山車神（豆腐奶昔）等等， 係咪聽落已經好奇想試呢？
店主仲好有心，搵來幾個香港品牌的手工酒精飲品，一定畀到驚喜你。
JOYSTICK店內用左大量霓虹燈元素+俄羅斯方塊裝飾，加上pop art設計的搶眼餐牌，未食嘢已經倍感親切同開朗。

PowerPlay Arena為左慶祝JOYSTICK進駐，特別與餐廳聯手推出【Crazy Burger食玩套餐】，HK$110就可以體驗一節飄移車+一份美國經典漢堡+一杯賽車主題奶昔，非常抵玩抵食。

PowerPlay Arena 呢個佔地超過 5000 呎嘅賽車場，設有多個彎位，仲分別為大人以及小朋友提供兩款飄移車，更會貼心提供頭盔、護肘和頸箍等保護裝備，讓大家盡情馳騁。另有多款全新遊戲機進駐，包括氣墊球、射擊遊戲、對戰版本的賽車遊戲機等等，玩足一日！

JOYSTICK
地址： 荔枝角長順街15號D2 Place 二期 2樓 PowerPlay Arena內
營業時間： 星期日-四&公眾假期 11:30am ~ 8:30pm； 星期五六&公眾假期前夕 11:30am ~ 9:00pm。
（出示會員卡可享全單9折）