用了專為電動車而設的新底盤之後，在內外設計方面都較之前的電動SUV系列多了一份新鮮感。

雖然遲咗少少起步，但平治的後勁非常凌厲，計埋今次這部 EQE，已經是第6款電動車，其中一款仲要係商用車 eVito。

之前測試的 EQ 系列 SUV，由於採用引擎車的底盤，所以無論車廂設計或整體操控感，都跟引擎車分別不大。至於今次測試的 EQE 350+，就用咗一副專為電動車而開發的 EVA2 底盤，所以無論設計或駕駛，都會有耳目一新的感覺。

全新EQE是平治建基於電動車平台嘅第二款車型，體形比傳統 E-Class大架，而且 3,120 mm嘅軸距，甚至比只在中國製造及發售嘅 E-Class長軸距車型更加長。再加埋非常流線型嘅四門轎跑車設計，形象更似 CLS 。由於採用專為電動車而開發的 EVA2 底盤，所以無論設計或駕駛，都會有耳目一新的感覺。不過淨重高達2.9噸，可能因為咁，加速力唔算好猛好勁。制動踏板就比較重，令施加的力度與實際制動的情況有輕微偏差。Airmatic 懸掛的過濾能力，可以在舒適與操控之間取得極細緻的平衡，唔會犧牲咗駕駛樂趣。

雖然電動車唔需要吸入大量生風用作燃爆，不過突然無咗個面罩真係會有啲怪，所以很多電動車都會繼續保留一個密封的面罩。以 Sensual Purity 作為設計理念的 EQE 都唔例外，除了精緻圓潤的車身之外，板件的接駁口亦裝砌得非常細密，頭冚巧妙地跟砂板渾然一體，整體觀感有如一體成形，線條表現出跑味又不失豪華房車的格調。

測試的 EQE 350+ 加配了多項 options，包括 AMG 21吋 multi-spoke light-alloy 輪圈、Airmatic 避震系統及 Burmester surround sound system 等。標準配備12.9吋OLED觸控屏幕及360度鏡頭，座椅採用Artico包裹，這款neva grey 皮色有種高雅整潔的感覺，但因為非常淺色，所以打理保養並唔容易，如果有小朋友就要諗清楚。

大屏幕加上多功能媒體，造就了一個簡約車廂；中控台兩側的板件印上平治廠徽暗花，感覺有啲似法國名牌手袋。馬鞍位用了搭橋設計，下層可置物又可充電，女士們的手袋可以唔使再放上大脾。座椅的乘坐感軟硬適中，由於底盤是為電動車而設，減去傳動中軸之後，令後排腳部空間大增，就算坐喺後座中間都唔會覺得委屈

置於後輪的六相恆磁同步摩打，最大輸出可達292hp，扭力565Nm，不過淨重高達2.9噸，可能因為咁，加速力唔算好猛好勁。我就幾 like 這部 EQE 350+ 的電門敏感度設定，就算設定到最勁的運動模式，動力輸出都是逐漸增強，減少突發加速造成的突兀感，不過制動踏板就比較重，令施加的力度與實際制動的情況有輕微偏差。Airmatic 懸掛的過濾能力，可以在舒適與操控之間取得極細緻的平衡，唔會犧牲咗駕駛樂趣。

採用的 NMC 811 鋰離子電池，鎳、錳、鈷的比例為 8:1:1，90.6kWh容量的續航距離約654km，快充31分鐘就可回復80%的電量，但當然唔鼓勵經常使用快速充電。跟大部分電動車一樣，EQE 的傳動都係採用單速設計，以軚盤後方的「+/-」撥片來控制動力回收的強度，落斜時有引擎車利用拖波限制車速的效果，如果想保持暢順舒適，我建議「降檔」前首先輕踏制動作出適當減速，之後再按動左邊的減速撥片才慢慢放開制動踏板，可減少突兀感。

2022 Mercedes-Benz EQE 350+ 規格表
摩打形式：恆磁同步摩打 (PSM)
電池容量：90.56kWh 鋰離子電池
最大馬力：292hp
峰值扭力：565Nm
續航距離：654km (WLTP)
傳動形式：後輪驅動
傳動系統：單速直接驅動
0-100km/h：6.4秒
極速：210km/h
懸掛系統：(前)四連桿/ (後)多連桿
制動系統：(前/後)通風碟
輪圈：21吋合金
輪胎：(前) 255/35 R21 / (後) 285/30 R21 Pirelli P Zero
長x闊x高：4,946 x 1,961 x 1,512mm
軸距：3,120mm
車重：2,880kg
電耗：15.9-18.7kWh/ 100km
售價：HK$958,000/ HK$768,000 (one-for-one replacement scheme)