正式在香港推出嘅現代STARIA Van，雖然係輕型客貨車，亦都設有標準版及Lux豪華版，售價由 $278,800 起。

全新第三代STARIA Van，除咗外形似電動車咁科幻之外，車身全長5,253mm，亦比上一代長103mm，尾箱容量亦增加379公升，加上特大尾門，完全係針對運載大型物件而設，代理暫時只公布標準版售價為港幣$278,800，而豪華版就未有價單。

View this post on Instagram

A post shared by Mr. Dik (@dikkongsang)

比較有睇頭係Lux豪華版，頭尾都係LED燈，尤其係車頭一橫過LED日間行車燈，相當有型，標準版一橫過嘅位置就唔會發光，頭尾就只係普通燈，而且車廂嘅數碼儀表亦都唔及豪華版花巧，波棍係傳統設計，豪華版就變為按鈕，賣相high-tech少少，而且尾門係電動，用作運貨似乎大材小用，反而適合玩戶外活戶嘅要求。

動力方面，兩款型號都係搭載177ps馬力2.2公升柴油渦輪增壓引擎，配8前速自動波箱，而且設有Normal、 Sport 及 ECO 駕駛模式。至於車廂設計，除咗配備10.25 吋全數碼化儀表板之外，仲有支援 Apple CarPlay 嘅 8 吋中央觸控式屏幕。有驚喜嘅係，仲有15W 手機無線充電功能，而後排座位都設有USB 充電端口，以客貨車嚟講，可謂相當細心。除此之外，所有座椅均設三點式安全帶和頭枕，備有六個安全氣囊；8 吋中央觸控屏幕更可配備環視監察鏡頭，方便行駛窄狹停車場或通道。

主動式安全系統包括自動緊急煞車系統 (FCA)及後方防撞輔助系統 (RCCA)，系統會因應不同特殊情況發出警告及以自動剎車確保駕駛者與道路使用者的安全；盲點防撞輔助功能(BCA)會透過車尾保險槓之下的兩個雷達感應器適時提醒盲點區域的交通情況，而盲點影像監察系統 (BVM) 則會顯示於電子儀錶板上車道保持輔助系統 (LFA)及車道偏離警示系統 (LKA) 亦會按當時行車狀況發出警示，提示駕駛者行駛於車道中央，避免意外發生。而智能定速巡航功能 (SSC) 則會自動保持與前車的距離，確保行車安全。

Hyundai STARIA Van 規格表