睇過《高智能方程式》嘅朋友，見到《SAVEWO x Cyber Formula 》 30週年紀念版口罩 ，應該會忍不住想當年。

Motorcycle photo by：Playful

疫情持續，「一人一罩」已成日常，傳統淺綠色嘅手術口罩實在太沉悶，女士們早就配備五花八門嘅口罩配襯唔同嘅服飾，男士們覺得悶嘅可以點？呢款SAVEWO X CYBER FORMULA 高智能方程式口罩，可以解吓悶了。

首先係平面口罩，以 SUGO ASURADA 以及 AIO ZIP 兩個車隊為概念，分別推出電視版（TV version）以及 劇場版（SIN Version）口罩，一共 4 款。當中，SUGO ASURADA 款以主角風見車人爲主，推出經典藍黑駕駛服以及決戰藍紅白駕駛服嘅概念款口罩。AOI ZIP Formula 款嘅設計則以加賀城太郎爲主，分別推出經典粉紫駕駛以及決戰紫白駕駛服嘅概念口罩，畀粉絲回憶主角們成長過程。

至於賽車造形立體口罩，仲附有鐵盒，跟據不同座駕設計而成，同樣有四款，駕駛者分別為風見隼人，加賀，新條直輝及蘭度，啱晒粉絲作為珍藏紀念。

製造商SAVEWO宣稱係全球首家能以多方位定位技術成功量產即棄式立體形口罩嘅企業，技術上特別嘅定位光標，能根據設定調整布料位置，令每片布料裁剪位致均等，達到圖案定位印刷效果，尤其係結構較複雜嘅立體口罩，表面嘅圖案都能夠更加精準呈現。

解悶還解悶，疫情戴口罩最大目的都係防疫。SAVEWO X 高智能方程式口罩已符合美國ASTM LEVEL3 醫用口罩標準，BFE、PFE、VFE過濾效能通過認證達>99.9%，有效過濾細菌、微塵及病毒，咁就用得放心啦！