不過老老實實又有幾多個用家會揸部 SUV 走去爬高擒低吖，多數人都係 buy 佢嘅造型，鍾意離地距高，剷上路壆或者路過鄉郊都無問題，所以車廠就陸續推出這類沒有實質越野技能的 Crossover Sport Utility Vehicle，針對巿區，針對公路，而 T-Cross 就係這個原因而衍生出來。
採用隱藏式排氣喉設計，從後看會誤以為是電動車。
跟同門 Polo 一樣採用 MQB A0 底盤，不過 T-Cross 的車廂就比 Polo 闊落，因為車長及車高都增加了，空間感以一部 compact SUV 來講都幾有驚喜。行李艙容積只有377L，但已經比 Polo 大了34L，即與 Golf 的差不多，用開掀背車的應該無問題。後排除了可以整張收摺起把容量擴大至1,281L之外，想要多少少載貨空間，但又後座又要載人的話，可把整排後座前移最多14cm，以增大行李艙容積至455L。
以一輛 Compact SUV 來講，T-Cross 的車廂空間算寬敞。
中控台的8吋 Composition Media 多媒體觸控屏幕，10.25 吋的 Active Info Display 數碼儀表，21萬可以買到咁高規格的配備相當唔錯，標準裝備仲有6隻喇叭、藍牙系統、USB及無線充電等；泊車手掣只有傳統手動拉柄，用開根據檔位而自動操作的電子手掣或者會有啲唔慣，不過我對手動手掣就比較有信心啲。
行李艙標準容積為377L，比 Golf 細咗少少，但勝在可把整張後座前移14cm。
T-Cross 的1.0公升3汽缸引擎，沒經過特別調校，輸出跟 Polo 沒有分別。雖然只得115hp，但就算坐滿人，加速都幾好力。操控感有掀背車的靈活，但入彎的傾側度會多少少，唔是刻意挑戰極限的話，底盤調校都幾咬地；懸掛反應直接，凹凸路面的處理未夠細緻。3汽缸引擎表現順滑，拍入S檔之後可延遲500rpm轉波時間，可增強動力表現；上斜路段起步時，轉速在1,800rpm以下會有輕微顫動。可能車重比Polo 多出80kg的關係，長測4天，T-Cross 在巿區平均每百公里耗油多咗0.7L，即5.8L/100km，公路就錄得 4.9L/100km。
21.12.2020
8089
