繁花似錦的春日盛事 「花見大館」2024啟動啦!

 4505
 23

短暫的冬天過後春花爛漫,香港也多了賞花活動。
一年一度的香港花展之後,同為春日盛事的「花見大館」也登場了!

有賴香港賽馬會一直以來的支持,今年已是第4年舉辦的「花見大館」花藝市集,以自然、教育及可持續發展為主題,邀請相關本地品牌,為社區帶來豐富多彩的自然空間。 在大館百年古蹟的建築群當中,有暗香流動花影重重,為這肅穆之地添了一分溫柔,為中環這個商業氣息濃重的地方注入自然元素。

大館的檢閱廣場上、芒果樹下,化身暗香流動花影繽紛的城市綠洲
大館的檢閱廣場上、芒果樹下,化身暗香流動花影繽紛的城市綠洲

市集內有咩行?
有重新定義花卉藝術的Home Sweet FloristMorning Hibiscusnao florist、有自家種植有機蔬果的「種瓜得花」(仲有植物種子扭蛋,頗為新奇)、有帶來各種鮮活植物的Green Egg Store植誌、在香港山林間撿拾種子和樹枝做成飾品和樂器的「緣木種子」(P編自以爲認識許多植物,但佢地擺出來的種子P編竟然一個都唔認得!)、「COMMON ROOM 337 社區小客廳」則販售可重複使用的矽膠食物袋和喵坊生產的粒裝洗潔精、食物方面有「餘果香港」「地衣果子」和「nute」為大家提供本地或天然食材做成的蛋糕和飲品,當然唔少得由第一年就支持至今的「本地種植」,薄荷洛神玫瑰湯力超好飲!聽講佢地的黃金捲相當好食,有興趣不妨試吓。BeCandle香丘分別帶來天然蠟燭、香氛和線香,為家居創造獨有香氣。P編流連最久的是「星期綠工作室」,佢地有豐富的種植經驗,歡迎大家帶埋屋企生長得唔係好健康的植物向佢地討教(限120cm以下盆栽)。除咗做植物醫生,佢地有得賣台灣插畫家naomi_zhi的可愛作品如紙膠帶、貼紙、掛畫等等,P編都忍唔住入手限量版郵票型紙膠帶。

已經連續第4年參加花見大館市集的「本地種植」,以本地農作物為主角,搜羅本地農場安全而高質的當造食材,以手工無添加方式製作,實現香港種植、香港製造。
已經連續第4年參加花見大館市集的「本地種植」,以本地農作物為主角,搜羅本地農場安全而高質的當造食材,以手工無添加方式製作,實現香港種植、香港製造。
「本地種植」- 歡迎大家捉住狄Sir問呢杯咖啡好唔好飲
「本地種植」- 歡迎大家捉住狄Sir問呢杯咖啡好唔好飲
「本地種植」的薄荷洛神玫瑰湯力超好飲!
「本地種植」的薄荷洛神玫瑰湯力超好飲!
令人猛吞口水的純素蛋糕,可以在「地衣果子」搵到。手快有,手慢D蛋糕就溶既啦~
令人猛吞口水的純素蛋糕,可以在「地衣果子」搵到。手快有,手慢D蛋糕就溶既啦~
「緣木種子」收集香港山林裡的種子和樹枝,加工製成首飾或樂器,頗有驚喜。
「緣木種子」收集香港山林裡的種子和樹枝,加工製成首飾或樂器,頗有驚喜。
「COMMON ROOM 337 社區小客廳」 - 有可重複使用的矽膠食物袋,裝飯裝麵都無問題,圖案仲非常親切,有沙牛麵啦、奶油多啦、九巴站牌等等。。。
「COMMON ROOM 337 社區小客廳」 - 有可重複使用的矽膠食物袋,裝飯裝麵都無問題,圖案仲非常親切,有沙牛麵啦、奶油多啦、九巴站牌等等。。。
「星期綠工作室」 - 店主Simon身份係植物醫生,大家可帶同屋企的小植物去求診。 呢度仲有賣台灣插畫家naomi_zhi的各樣作品,非常可愛!
「星期綠工作室」 - 店主Simon身份係植物醫生,大家可帶同屋企的小植物去求診。 呢度仲有賣台灣插畫家naomi_zhi的各樣作品,非常可愛!
「nute」 - 用天然食材做成飲品和零食。 現場可試食simply pizza(如果未賣晒既話),味道包你有驚喜~
「nute」 - 用天然食材做成飲品和零食。 現場可試食simply pizza(如果未賣晒既話),味道包你有驚喜~
「BeCandle」 - 歡迎大家帶樽來選購4款家居香薰油,佢地配方特別調較過,可持續散發香味3~4個月。
「BeCandle」 - 歡迎大家帶樽來選購4款家居香薰油,佢地配方特別調較過,可持續散發香味3~4個月。
估唔到,古董花樽+鮮花,有如此驚豔的效果❤️ (佢地有插花套裝,除咗用具仲包埋插花教學,唔識教到你識)- 「Morning Hibiscus」
估唔到,古董花樽+鮮花,有如此驚豔的效果❤️ (佢地有插花套裝,除咗用具仲包埋插花教學,唔識教到你識)- 「Morning Hibiscus」
正式“本地薑” - 用本地農友種出來的薑做成薑露,味道非常濃郁,沖嘢飲或煮餸都啱使。 呢檔「餘果香港」仲有發酵茶,值得一試。
正式“本地薑” - 用本地農友種出來的薑做成薑露,味道非常濃郁,沖嘢飲或煮餸都啱使。 呢檔「餘果香港」仲有發酵茶,值得一試。

仲有咩著數/好玩?
秉持可持續發展的原則,活動過後將開放所有盛開的花卉及植物給市民領養,令家居多一點繽紛又唔駛造成浪費。記得4月8號11am來領養啦。
另外可參加花漾主題工作坊,時間環保生活。

除咗逛市集,大館仲有咩玩?
繁花入餚:The Chinese Library特製「春意盎然」盆栽甜品、樂茶軒則有「薔薇之戀」雞尾酒、Madame Fu推出「莓果幸福交響曲:玫瑰紅莓果醬蛋糕杯」、On The Hill Coffee Bar則換上帶花香的淺烘焙咖啡豆,讓每款咖啡都有撲鼻玫瑰香。

「花見大館」
日期: 2024年4月4日至7日
時間:1pm - 8pm
地點:中環荷里活道10號大館,檢閱廣場
費用:免費

網址:花見大館 2024

好想去台東自駕遊

 上一篇