大家仲記唔記得上年喺 Consumer Electronics Show 2021 裡面展出過嘅 Sony 電動概念車 Vision S 呢？

Sony 除了大家認識的 Playstation、Digital Camera 及 QRIO 機械人之外，查實仲有涉足晶片製造及金融行業；至於加入電動車巿場，對於精於電子產品的 Sony 來講，消息其實又唔算好震撼，仲可以話係意料之內。

唔使聽神童預言，都知道嚟緊會有好多沒有生產汽車經驗的品牌將會陸續加入電動車巿場。鬼咩，個個見到 Elon Musk 發到豬頭咁，梗係想分埋一份，呢個電動趨勢，一啲跟唔切步伐的傳統汽車品牌真係會隨時被巿場淘汰。

不過對於一類沒有汽車機械設計經驗的品牌嚟講，跟傳統車廠嚟個 crossover 應該係無往而不利的，而 Sony 跟 Honda 近日宣布會喺今年合資成立一間電動車公司，相信都係通過技術互換而節省各類技術成本，據聞首輛新車最快會喺2025年面世，唔知大家對佢有乜嘢祈望呢？