限量生產只有100支嘅Fender Lexus LC Stratocaster，係Fender聯乘Lexus推出嘅最新custom-built結他，亮點係用埋LC 500嘅專有藍色。

來自 LC 500嘅藍色，靈感係啟發自蝴蝶，油漆望落係藍色，但其實並唔係含有任何藍色材料，只係因為光線嘅影響，光譜範圍可以產生由淺金屬藍到深夜藍，因為係由無色材料層產生最終嘅顏色，所以叫做結構(structural)色。

為咗要配合跑車嘅特色，弦線旋鈕都用咗黑色之外，音量及音色旋鈕都按照Lexus配嘅Mark Levinson音響打磨而成，甚至連深藍色嘅 fretboard都係為Lexus而首次使用 。

如此特別嘅車迷電結他係咪好吸引呢！不過Fender只係限量生產100支，可謂寧舍珍貴。