只要有一個固定的充電車位,生活有規率,對性能要求又唔高的話,呢部電動版 forfour 諗得過。
廢氣排放的標準愈收愈窄,除咗發展低容積低壓 turbo 引擎之外,另一個長遠方案,就是零排放的電動車,所以近年愈來愈多車廠投入電動車巿場,技術亦愈趨成熟。
純電車喺香港的選擇都算多,由五座掀背、高性能跑房車、MPV 以至 SUV 都有,不過就算是一架普通的五門掀背,車價動輒都要三、四十萬,呢個價位,好多人都寧可選擇車價平一截的 Hybrid。
今次測試的電動版 forfour,車價廿萬有找,以一輛歐洲電動車來講,呢個定價真係無得輸,要考慮的是續航力只有150公里左右,不過只要有個固定充電位,以中速充電兩個半鐘,就可以補充 80% 電量。
操控方面,forfour 的轉向十分靈活,無論泊車或窄路掉頭都好容易,非常適合香港的路面環境。動力輸出的初段,感覺比三汽缸渦輪增壓的汽油版好力,瞬間加速亦較為敏捷,彎路表現亦有歐洲掀背車的特色,是一輛環保與駕駛樂趣兼備的平價電動車。
優點 ・轉向靈活 ・操控容易 ・加速好力
缺點 ・續航距離較短
2019 smart forfour Electric Drive 規格表摩打形式:單獨激活三相同步摩打電池容量:17.6kWh鋰離子電池最大馬力:82hp峰值扭力:160Nm@150-3,500rpm續航距離:139-154km (NEDC)傳動形式:後置摩打/後輪驅動傳動系統:單速直接驅動0-100km/h:12.7秒極速:130km/h懸掛:(前)麥花臣/ (後)扭力樑 制動:(前)通風碟/ (後)鼓式輪圈:15吋合金輪胎:185/60 R15 Continental Conti.eContact長x闊x高:3,495 x 1,665 x 1,554mm軸距:2,494mm車重:1,100kg售價:HK$199,900
上一篇
下一篇