只要唔過份幻想,這輛入門520iA在sport模式之下,性能表現都有一定水準。
朋友最近苦纏於車價相近的520iA及330iA之間,前者空間大車廂靚,後者以性能為主,但車價貴6萬,畀着你又會點揀?
標準配運動組件其實點揀真係好睇個人愛惡,如果性能對你嚟講真係咁重要,輸出多68hp的330iA當然走唔甩。今次長測的520iA Sport,賣點在於5系的入門級車價之中,提供比3系優勝的空間、布置及配備,雖然性能方面跟320iA相近,但標準配備7項Sport Line組件。
行李艙超實用踏入第7代,底盤編號G30的5-Series Saloon,尺碼比上一代大咗,但車重反而輕了近100kg。對我呢類仔細老婆嫩的用家來講,尾艙可以放到幾多個行李喼的意義唔是咁大,最重要係可以放得入一部16吋單車,星期天畀個仔盡情放電,而呢個容量達530L的行李艙唔只夠深,艙口仲好夠大,比好多MPV更好用。
前座椅包得好貼服中控台的設計,由顯示屏、出風口、音響系統以至車廂飾件都好有7系feel,視覺與觸感都比3系高級好多;配備的iDrive 6.0,可支援語音控制、3D導航、藍牙及Apple CarPlay等。隔音方面,除了在車門及輪拱位充填大量隔音棉之外,今次更在引擎各處噪音最大的位置用咗一項名為SYNTAK (Synergy Thermoacoustic Capsule) 的包裹式隔音技術,駛入隧道時,就會發現路噪及反射共震聲都被抑制得非常好,不過我覺得最正係前排一對附設腰部support的sport seats,比很多品牌的轎跑車包得更貼更服。
提升低轉扭力表現全新B48兩公升4汽缸TwinPower Turbo引擎,除了使用Direct injection、Vanos及Valvetronic三項寶馬頂尖技術之外,汽缸口徑及衝程仲比舊款N20細咗長咗,呢種bore-to-stroke ratio的設計,可以提升低轉時的扭力表現。
睇清楚先好撳當對手平治連高性能的跑房車都已經轉晒用「軚波」的時候,我幾like寶馬依然保留一支波棍喺馬鞍位;除此之外,設計師亦在數碼化的儀表板面上加咗幾個立體圓框,成件事就馬上由虛擬角度返嚟現實世界;不過我嫌engine start與start/stop的按鈕set得太近,位置又剛好被軚盤遮擋,如果憑觸感去開關引擎start/stop功能的話,有機會撳錯engine start。
運動模式最正斗如果想減少起步突兀感及降低耗油量,咁唔使諗,自選駕駛模式一定要揀ECO Pro,實際巿區路面測試每百公里耗油8.7L。個人認為無論ECO Pro還是Comfort mode的情況下,呢套M Sport懸掛的表現都未夠細緻,某類較為粗糙的路面會有輕微反震傳入車廂;不過當切換到Sport mode之後,濾震能力反而變得細膩,緩衝反應又快又服,唔會得個硬字,所以我比較鍾意用Sport mode行車,如果唔係狂踩,每百公里耗油會輕微升上9.3L,係會嘥油咗,但駕乘感都一流。
BMW 520iA Saloon Sport 規格表引擎:L4 TwinPower Turbo容積:1,998c.c.馬力:184hp@5,000-6,500rpm扭力:290Nm@1,350-4,250rpm傳動:前置引擎/後輪驅動波箱:8前速Steptronic全自動配軚盤+/-轉檔0-100km/h:7.8秒極速:235km/h懸掛:(前)雙搖臂/ (後)多連桿制動:(前/後)通風碟輪圈:18吋合金輪胎:(前/後)245/45 R18 100Y Pirelli Cinturato P7長x闊x高:4,936 x 1,868 x 1,479mm軸距:2,975mm車重:1,605kg油耗:5.9-5.4L/ 100km (Combined)廢排:134-124g/km售價:$579,900
上一篇
下一篇