鍾意搭火車遊歷台灣，又鍾意探訪歷史悠久的老建築？ 
咁你一定知道今年已超過100歲的台中火車站。 
唯一擁有‘三代同堂’（第一代1905年建成、第二代1917年建成、第三代2016年通車）建築物的火車站，全台灣只得呢度可以見到。最矚目的當然係第二代的巴洛克式舊車站建築體，與台灣總督府（現總統府）同屬後期文藝復興式建築風格，早已被列為國定古蹟。 目前在這座建築內部和周邊開咗好多精品小店同食肆，欣賞歷史又可以行街食嘢，一樂也。

到過台中火車站的你應該會留意到在火車站對面有一棟外牆非常童話風的建築（P編認為佢同火車站的巨型豆娘雕塑非常合襯，一樣咁活潑可愛），係挪威森林旅館集團旗下的「挪威森林行旅1號」館，唔單止外牆，內部都係滿滿的童話風，如果帶小朋友來一定開心到唔捨得走（咪話小朋友，P編我都忍唔住狂影啦）。 每個房間的天花板都有一幅愛麗絲夢遊仙境為主題的巨型畫作（total有9款，唔知大家有無興趣每款房間都住返晚？）， 加上精緻可愛的燈飾、衣架，彷彿身處童話世界咁。 就算你對童話無乜感覺，房間內簡約利落的設計、配色鮮明的門框窗框、乾濕分離又光猛寬敞的洗手間都會令你留下深刻印象。

床同枕頭都係軟硬適中嗰種，非常好瞓。 呢度仲有另外一個吸引小朋友的設施就係足足兩層樓高的瀡滑梯，滑梯底部係好大的波波池，睇到P編都心郁郁想玩返轉。 但其實呢間酒店最吸引P編的，係窗外就係文章開頭提及的台中百年火車站。 日頭同夜晚有截然不同的景象，睇住火車在舊火車站上方來回穿梭&光線在火車站身上流轉，係百看不厭的場景。 仲有一個不得不提的賣點係，佢地有投幣洗衣機&乾衣機！對鍾意輕裝出行的旅者來講，可以在旅行中途洗衫實在係一大福音。
差D唔記得，如果你發現入住的房間無辦法睇到呢個百年火車站，請搭電梯到12/F，天台上望到的景色比房間望出去更開揚更全面。

既然住在以傳統小食集中地的台中火車站附近，當然一定要話畀大家知有咩好食好行啦。
第二市場內有爌肉飯、消暑聖品蔴薏湯、古早味紅茶，全部係有數十年歷史的老店，仲有市場本身就係古色古香的建築，行街食嘢之餘記得欣賞吓歷史悠久的建築小細節； 唔鍾意太舊的建築？ 可以去台灣大道上的第六市場，光猛新淨有冷氣，好似逛Sogo地牢咁舒適（附近真係有Sogo！哈哈～）；台中在地人不太提議但其實幾新奇幾好行的東協廣場全部係道地東南亞（尤其越南）小食店； 至於聲名遠播的宮原眼科就唔駛P編介紹啦，P編自己就會選擇到附近由金庫改造的第四信用合作社，同樣係老建築、一樣的食物（雪糕冰品的選擇多到眼花撩亂）、坐得舒服又悠閒、唔駛排隊唔駛同人迫。 手信呢，好多人會話台中手信係太陽餅，而紅磚白瓦的台中太陽餅博物館又的確係好睇又好行，但P編自己偏好陳允宝泉的御丹波，雖然佢地在香港都有開分店，但總係覺得在台中食到既新鮮好多。

介紹完食、當然要數吓火車站附近有咩好行的景點啦：P編的私人清單有百年歷史的帝國糖廠、當地人買餸的舊建國市場、下午茶最佳選擇的台中市役所等等等等。 至於靚靚的綠川/柳川水岸步道、綠空鐵道，都係留返無趕熱既秋冬季節至慢慢行慢慢睇啦，台中的太陽唔係一般的猛烈啊。。。 距離火車站遠少少而值得介紹的地方就更多啦，留返下次再同大家逐一介紹。

挪威森林旅館集團旗下目前有9間分館，分佈在台中同新北市，自駕玩台北台中可以聯絡佢地做沿途住宿的最佳安排。 當中台中慢活館更可稱為極簡奢華的代表作，每間房都不同風格、而且都有屬於自己的車庫，唔駛受日曬雨淋之苦就可以直達房間。 呢度淨係揀咗兩張房間的相畀大家睇睇，有興趣的話可以直接上佢地官網睇真D：
挪威森林行旅1號館網址： http://taichungtravelhotel1.villa-group.com.tw/
挪威森林旅館集團網址： http://www.villa-group.com.tw/