福特汽車同美國太陽能公司 Sunrun 合作，透過全電動 F-150 Lightning 嘅強大車載電池功能，可作為加強家庭能源管理系統嘅一部分。

福特有此一舉，係因為2020年美國經歷有記錄以來最多嘅電力中斷；廠方宣傳只要透過 F-150 Lightning，就可以在短暫或長時間嘅停電期間，使用車上電池儲電來維持家中電力供應。而根據美國家庭平均每日使用 30 千瓦時情況，配備增程電池嘅 F-150 Lightning 可提供長達 3 日嘅完整家庭電力，如果同太陽能系統配合一起使用，更可維持長達 10 日。