瑪莎拉蒂轉換新代理後，暫時只有在淺水灣法拉利陳列下層嘅臨時showroom，據悉新代理Blackbird Tridente仍在物色可擺設多架新車嘅陳列室。在此期間，新代理已預告即將推出VR虛擬陳列室，宣稱設計靈感源自超過二千年歷史的意大利著名建築「萬神殿 (Pantheon)」，在維多利亞港上空構建一個懸浮半空嘅虛擬陳列室建築，相當有科幻感。

據了解第一階段參觀者進入虛擬陳列室後，可瀏覽瑪莎拉蒂現有型號，包括Ghibli、Levante、Quattroporte，仲有620匹馬力輸出嘅MC20超級跑車。除咗虛擬睇車，仲可以為新車配搭不同嘅可選擇顏色及物料，而且合共超過2,900個拼合可能性，真係可以玩足一日。

比較好玩應該係可以聆聽每款汽車型號嘅引擎運轉聲浪，值得一提係瀏覽過程中嘅背景音樂，係由香港原創音樂達人Silk Road Sounds/ Yeti Out負責，據講係特別注重畫面及聲效整體協調感。