呢架由 Little Car Company、Aston Martin 及 EON Productions 合作推出嘅 No Time To Die 特別版 Aston Martin DB5 Junior,以原版三分之二比例製作,並配備全電力驅動系統,售價90,000英鎊起,限量125架,雖然唔可以揸出街,但每位車主都會自動獲得 Aston Martin Owners Club 會員資格。 除此之外,又可獲得 The Little Car Club 免費會員資格,可以參加獨家活動,包括仔女同埋孫仔孫女都可以在最著名嘅賽道上駕駛自己嘅 DB5 Junior。