以光陰與無限嘅宇宙為設計靈感，全球限量二十架，全港只有一架嘅Phantom Tempus Collection，承惠港幣$14,880,000。

Photo by：Playful

勞斯萊斯嘅特別版，一向都有特別意思，今次以脈衝星極有規律性嘅脈衝電磁波訊號，聯繫到時間、光陰與無限嘅宇宙，設計靈感可謂跨越美學及時間與星際嘅主題。至於要實踐呢個設計，當然離不開頂級手作工藝。

打開車門，最搶眼係儀表板採用一整塊鋁金屬經人手雕琢成100支曲線輪廓雕柱，原來係象徵一億年來脈衝星嘅無間運轉，又刻意省略時鐘嘅設計，象徵車主不受時間嘅束縛。工匠又運用精湛技術將脈衝星圖案印於皮革上，再結合細緻嘅人手刺繡同埋獨特嘅光纖圖案，在車廂中營造絢爛浪漫嘅星河。

專為特別版而設嘅車身顏色Kairos Blue，代表深邃莫測嘅太空，由勞斯萊斯高級定製部門Bespoke Collective，專為Phantom Tempus Collection而設，油漆在光線映照下反射出點點鱗光，恍如天上繁星，而對比強烈的黑色外飾細節更加強了星空的效果。

唔單只咁，打開儀表板嘅儲物箱，內裡仲可見雕刻牌上嘅作品描述同埋愛因斯坦名句：「過去、現在、未來的區分只是頑強的幻象。」聽落好科學，但感覺好浪漫。

Photo by：Playful