在一連兩日嘅傳媒日，
東京車展成為各大車廠
爭相展示最新科技及概念車嘅競技場，
公眾日將由10月27日開始，
然後在11月5日閉幕。

Nissan IMx crossover concept

Nissan今屆車展主題為Nissan Intelligent Mobility，並在車展上展出名為IMx crossover concept的全自動駕駛智能電動車。日產表示為了配合行人安全，IMx更會配備叫做Canto嘅獨有聲音。至於Canto其實係源自拉丁文，意思係：I sing，即係話IMx識得唱歌嘅電動車。

配備ProPILOT全自動駕駛模式

全自動駕駛嘅IMx，配前後雙電動馬達，4WD四輪驅動，總輸出320kW，續航力更可達600公里。當駕駛人選擇咗ProPILOT全自動駕駛模式，軚盤會收起，椅背會自動調整到更舒適嘅傾斜角度，而車外嘅風景，更會在車內顯示，令駕駛人得到更舒服嘅乘坐享受。

日產成為第一間參戰FE嘅日本車廠

日產在東京車展上又宣布將會參賽2018年電動方程式大賽，透過雷諾日產三菱夥伴嘅最大協同效應，到時日產汽車將與雷諾合作，採用雷諾嘅電動方程式賽車技術，從第五季起參戰FE，成為第一間參戰FE嘅日本車廠。

Serena e-Power

在東京車展亮相嘅Serena e-Power，車頭通風面罩隔柵加上e-Power藍色標誌，電驅系統源自Leaf，配合一副2公升汽油引擎負責為電池充電，省卻要為電動車尋找充電設施之苦之外，仲會好慳油。新車將於2018年第一季在日本發售，預期香港亦好大機機會引入發售，售價有待公布。

Nissan Leaf Nismo Concept

除咗會參戰FE，日產在車展上亦為剛於9月在日本發售嘅Leaf電動車加上Nismo光環，推出由Nismo設計擾流嘅Leaf Nismo車型。

廠方表示經過Nismo調低及調硬嘅懸掛，再加上特配嘅高性能輪胎，操控會更直接靈敏，而動力輸出電腦亦會經過調校，將電動摩打每段嘅輸出都調整得更激進，令Leaf Nismo成為電動車中嘅「小鋼電」。